2025 оны 11 дүгээр сарын 06-ны өдөр “Налайхын үйлдвэрлэл, технологийн парк” ХК-ийн хурлын танхимд Шүүх шинжилгээний хэлтсийн ил тод байдлын өдөрлөг амжилттай зохион байгуулагдлаа.

Энэхүү өдөрлөгийг Налайх дүүргийн шүүх шинжилгээний хэлтэс санаачлан зохион байгуулсан бөгөөд Налайх, Багахангай дүүргийн шүүх, прокурорын газар, цагдаагийн хэлтэс оролцлоо.

Уулзалтын үеэр үйлдвэрлэл, технологийн паркийн үндсэн үйл ажиллагаа, гэрээ байгуулан хамтран ажиллаж буй аж ахуйн нэгжүүдийн талаар мэдээлэл өгч, оролцогч талууд санал солилцлоо.

Мөн цаашид паркын нутаг дэвсгэрт аюулгүй байдлыг хангах, гэмт хэрэг, зөрчлөөс урьдчилан сэргийлэх чиглэлээр хамтран ажиллах, мэдээлэл солилцох, уялдаа холбоог сайжруулах талаар талууд санал нэгдсэн юм.