НҮТП нь Засгийн газрын хэрэгжүүлэгч агентлаг Хөрөнгө оруулалт, худалдааны газар, мөн DZ Consulting мэргэжлийн санхүүгийн зөвлөх компанийн удирдлагуудтай уулзалт зохион байгуулж, санхүү, хөрөнгө оруулалтын зөвлөх үйлчилгээ авлаа.

Уулзалтаар паркийн 8 дэд бүтцийн ажлыг төр, хувийн хэвшлийн түншлэл (ТХХТ)-ийн хүрээнд хэрхэн оновчтой санхүүжүүлэх, хөрөнгө оруулалт татах, эргэн төлөгдөх нөхцөлүүдийг тодорхойлох талаар дэлгэрэнгүй хэлэлцсэн нь өндөр өгөөжтэй боллоо.

Бид улсын болон орон нутгийн төсвийг хүлээх биш, өөрсдийн нөөц бололцоонд тулгуурлан хөрөнгө оруулалт татах бүхий л боломжийг эрэлхийлэн ажиллаж байна. Цаашид олон улсын хөрөнгө оруулагчид, санхүүгийн байгууллагуудтай хамтын ажиллагааг улам өргөжүүлнэ.