Жендэрт суурилсан хүчирхийллийн эсрэг 16 ХОНОГИЙН АЯН жил бүр 11 дүгээр сарын 25-наас 12 дугаар сарын 10 хүртэл дэлхий даяар өрнөдөг билээ. 2025 онд “Технологи ашиглан үйлдэгдэж буй жендэрт суурилсан хүчирхийлэлтэй тэмцэхэд нэгдэцгээе!” сэдвийн хүрээнд явагдаж байна.

Цахим хүчирхийлэл нь охид, эмэгтэйчүүд, ЛГБТИК+ хүмүүсийн аюулгүй байдал, эрхэм чанарыг үгүйсгэж, эрх чөлөөг хязгаарладаг бөгөөд хүний ажиллах, баяр баясал мэдрэх, хамт олонтой байх, улс төрийн оролцоонд саад болдог. Улмаар онлайн орчныг айдас, үл итгэлцлээр дүүргэдэг билээ.

Харамсалтай нь хиймэл оюун ухаан шинэ аюул бий болгосоор байхад хамгаалах тогтолцоо сул хэвээр байна.